கடந்த புதன் கிழமை அவுஸ்ரேலியா அணிக்கெதிராக நாக்பூரில் நடைபெற்ற சர்வதேச ஒருநாள் கிரிக்கெட் போட்டியில் இந்திய அணியின் சார்பில் மஹேந்திர சிங் டோனி சிறப்பான சதமொன்றினைப் பெற்று இந்திய அணியின் வெற்றிக்குப் பெரும் பங்காற்றினார். அந்தப் போட்டியில் 124 ஓட்டங்களைப் பெற்றதன் மூலம் ஒரு அணியின் தலைவர், அவுஸ்ரேலியா அணிக்கெதிராக சர்வதேச ஒருநாள் கிரிக்கெட் போட்டி ஒன்றில் அதிகூடிய ஓட்டங்களைப் பெற்ற வீரராக சாதனை படைத்தார். இதற்கு முன்னர் இச்சாதனை சனத் ஜயசூரிய வசம் இருந்தமை குறிப்பிடத்தக்கது.
டோனி பெற்ற சதத்துடன் இதுவரை அவுஸ்ரேலியா அணிக்கெதிராக, ஒரு அணியின் தலைவர் பெற்ற மொத்த சதங்கள் 10ஆகும். நியூசிலாந்து அணியின் முன்னாள் தலைவர் ஸ்டீபன் பிளமிங் அவுஸ்ரேலியா அணிக்கெதிராக 2 சதங்களைப் பெற்றுள்ளமை குறிப்பிடத்தக்கது.
அவுஸ்ரேலியா அணிக்கெதிராக சதம் பெற்ற அணித்தலைவர் விபரங்கள்
1) கிளைவ் லொய்ட் (102) மே.தீவுகள், லோர்ட்ஸ், 21-6-1975
2) டேவிட் ஹோவர் (102) இங்கிலாந்து, லோர்ட்ஸ், 3-6-1985
3) மார்ட்டின் குரோ (100*) நியூசிலாந்து, ஒக்லண்ட், 22-2-1992
4) மைக் ஆதர்ட்டன் (113*) இங்கிலாந்து, த ஓவல், 24-5-1997
5) ஸ்டீபன் பிளமிங் (116*) நியூசிலாந்து, மெல்பேர்ன், 21-1-1998
6) ஸ்டீபன் பிளமிங் (111*) நியூசிலாந்து, நேபியர், 12-2-1998
7) அலிஸ்ரேர் கம்பெல் (102) சிம்பாப்வே, அகமதாபாத், 3-4-1998
8) சனத் ஜயசூரிய (122) இலங்கை, சிட்னி, 9-1-2003
9) கிரேம் ஸ்மித் (119*) தென்னாபிரிக்கா, சென்சூரியன் பார்க், 26-2-2006
10) மஹேந்திர சிங் டோனி (124) இந்தியா, நாக்பூர்,28-10-2009
***
No comments:
Post a Comment