இதன் முதல் சந்தர்ப்பம் 1884ம் ஆண்டு, இங்கிலாந்து த ஓவலில் நடைபெற்ற அவுஸ்திரேலிய, இங்கிலாந்து அணிகளுக்கிடையிலான டெஸ்ட் போட்டியில், ஆஸியின் 1வது இன்னிங்ஸ்சில்(551ஓட்டங்கள்/10) இங்கிலாந்து அணியின் 11வீரர்களும் பந்துவீசியமை குறிப்பிடத்தக்கதாகும். இதில் இங்கிலாந்து அணியின் விக்கட் காப்பாளர் அல்பிரட் லிட்ரால்ரோன் மிகச்சிறப்பாக பந்துவீசி 19 ஓட்டங்களை மாத்திரம் கொடுத்து 04 விக்கட்களை வீழ்த்தினார்.
1979-80 பருவகாலத்தில் பாகிஸ்தானின் பைசலாபாத்தில் நடைபெற்ற அவுஸ்திரேலிய, பாகிஸ்தான்(382ஓட்டங்கள்/2) அணிகளுக்கிடையிலான டெஸ்ட் போட்டியில் அவுஸ்திரேலிய அணியின் 11வீரர்களும் பந்துவீசியமை குறிப்பிடத்தக்கதாகும். இந்த டெஸ்ட் போட்டியில் underarm பந்துவீச்சுப் புகழ் கிறேஸ் இடையிடையே விக்கட் காப்பாளராகவும் பணியாற்றினாராம். மழையினால் பாதிக்கப்பட்டு வெற்றிதோல்வியின்றி நிறைவடைந்த இந்த டெஸ்ட் போட்டியில் பாகிஸ்தானின் தஸ்லிம் ஆரிப் ஆட்டமிழக்காமல் 210 ஓட்டங்களை பெற்றதுடன் டெஸ்ட் போட்டிகளில் அற்பமாகவே பந்துவீசுகின்ற ஆஸியின் விக்கட் காப்பாளர் ரொட் மார்ஷ் 10ஓட்டமற்ற ஓவர்களினை வீசினாராம்.
2001-02 பருவகாலத்தில் அன்ரிகுவா சென்.ஜோன்ஸ்சில் நடைபெற்ற மே.தீவுகள் மற்றும் இந்திய அணிகளுக்கிடையில் வெற்றிதோல்வியின்றி நிறைவடைந்த டெஸ்ட் போட்டியில், மே.தீவுகளின்(629/9) 2வது இன்னிங்ஸ்சில் இந்திய அணியின் 11 வீரர்களும் பந்துவீசினராம். இந்த டெஸ்ட்டில் விக்கட்காப்பாளர் அஜய் ரட்ரா ஒரு ஓவர் பந்துவீசினார். முன்னதாக இந்த டெஸ்ட்டில் அஜய் ரட்ரா இளவயதில் சதம்பெற்ற விக்கட்காப்பாளராக சாதனை படைத்தமை நினைவில் நிற்கின்றது.
டெஸ்ட் கிரிக்கெட்டில் 11 வீரர்களும் பந்துவீசிய அண்மைய சந்தர்ப்பமாக 2004-05 பருவகாலத்தில் அன்ரிகுவா சென்.ஜோன்ஸ்சில் நடைபெற்ற மே.தீவுகள் மற்றும் தென்னாபிரிக்க அணிகளுக்கிடையில் வெற்றிதோல்வியின்றி நிறைவடைந்த டெஸ்ட் போட்டியில், மே.தீவுகளின் 1வது இன்னிங்ஸ்சில் தென்னாபிரிக்க அணியின் 11 வீரர்களும் பந்துவீசினர். இந்த டெஸ்ட் போட்டியில் மே.தீவுகளின் கிறிஸ் கெய்ல் முச்சதம்(317) பெற்றமை குறிப்பிடத்தக்கதாகும்.
***
3 comments:
தகவலுக்கு நன்றி சகோதரா
சில சமயங்களில் இது போல் அபூர்வமாக நடப்பதுண்டு..
நண்பர்களே உங்கள் கருத்துரைகளுக்கு மிக்க நன்றிகள்.....
Post a Comment