ஒலிம்பிக்கில் இந்தியா

தனி ஒருவராக மைக்கல் பெல்ப்ஸ் வென்ற பதக்கங்கள் 28  (23 golds, 3 silvers, 2 bronzes) . ஒரு நாடாக இந்தியா பெற்ற பதக்கங்களும் 28.

தடகள போட்டியில் இந்தியாவுக்காக பதக்கம் வென்ற ஒரே வீரர் நார்மன் பிரிட்சர்ட். 1900-ம் ஆண்டு பாரிஸ் ஒலிம்பிக்கில் இரண்டு வெள்ளிப் பதக்கங்களை வென்றார். பிரிட்டன் நாட்டைச் சேர்ந்த பெற்றோருக்கு மகனாக இருந்தாலும், இந்தியாவில் வளர்ந்து பணி புரிந்தவர்.

1928-1980 முதல் ஹாக்கியில் இந்திய ஆண்கள் அணி அசைக்க முடியாத பலமாக இருந்துள்ளது. 8 முறை தங்கப்பதக்கமும், ஒருமுறை வெள்ளியும், 2 வெண்கலப் பதக்கங்களையும் இந்தியா வென்றுள்ளது.

சுதந்திர இந்தியாவில் பதக்கம் வென்ற முதல் தனி நபர் கஷாபா ஜாதவ். 1952 ஹெல்சின்க்கி (ஃபின்லாந்து) ஒலிம்பிக்கின் மல்யுத்த போட்டியில் வெண்கலம் வென்றார். இந்தியா வென்ற வெண்கலப் பதக்கங்கள் மொத்தம் 9.

5 இந்திய வீராங்கனைகள் பதக்கம் வென்றுள்ளனர். முதல் பதக்கம் வென்ற பெருமை பளுதூக்குதல் வீராங்கனை கர்ணம் மல்லேஸ்வரியைச் சேரும்.

மொத்தமாக இந்தியா இதுவரை 22 விளையாட்டுகளில் மட்டுமே பங்கேற்றுள்ளது.

இந்தியா பங்கேற்ற 24 ஒலிம்பிக்குகளில், பதக்கமின்றி நாடு திரும்பிய ஒலிம்பிக்குகள் 6. (1920,1924,1976,1984,1988,1992)

                                                                        (@Vikatan)

உலகில் நீண்ட காலமாக அரசாட்சி புரிந்து வரும் ஆட்சியாளர்கள்...!

ஐக்கிய இராச்சியத்தின் அரசியான இரண்டாம் எலிசபெத், அந்நாட்டு அரியணையில் அதிக காலம் ஆட்சிபுரிந்தவர் என்ற சாதனையினை ஏற்படுத்தியுள்ளார். கடந்த செப்டெம்பர் 09, 2015 அன்று இச்சாதனையினை அவர் புரிந்தார்.

செப்டெம்பர் 09, 2015 மாலை 5.30 (இங்கிலாந்து நேரப்படி) மணியளவில் அவர் 63 வருடங்கள், 7 மாதங்கள், 2 நாட்கள், 16 மணித்தியாலங்கள், 23 நிமிடங்களை அரியணையில் கழித்த அவரது முப்பாட்டியான அரசி விக்டோரியாவின் சாதனையே அவர் முறியடித்தார்.

1926 ஆம் ஆண்டு பிறந்த அரசி  எலிசபெத், 1952ஆம் ஆண்டு  முதல் இன்றுவரை அரசியாகக் காணப்படுகிறார்.

உலகிலேயே நீண்ட காலமாக அரசாட்சி புரிந்து வரும் ஆட்சியாளர்களின் விபரம் வருமாறு;

1) தாய்லாந்து மன்னர் பூமிபோல் அதுல்யடேஜ் 

பிறப்பு : 1927

முடி சூட்டப்பட்ட ஆண்டு : ஜூன் 9, 1946

அரசாட்சி ஆண்டுகள் : 69

2) அரசி இரண்டாம் எலிசபெத்

பிறப்பு : 1926

முடி சூட்டப்பட்ட ஆண்டு : பெப்ரவரி 6, 1952

அரசாட்சி ஆண்டுகள் : 63

3) புரூணை சுல்தான் ஹாஜி ஹஸ்ஸனல் போல்கியா 

பிறப்பு : 1946

முடி சூட்டப்பட்ட ஆண்டு : அக்டோபர் 5, 1967

அரசாட்சி ஆண்டுகள் : 47

4) ஓமான் சுல்தான் கபூஸ் பின் சயிட் அல் சயிட்

பிறப்பு : 1940

முடி சூட்டப்பட்ட ஆண்டு : ஜூலை 23, 1970

அரசாட்சி ஆண்டுகள் : 45

5) டென்மார்க் அரசி மார்கெரெத்தே

பிறப்பு : 1940

முடி சூட்டப்பட்ட ஆண்டு : ஜனவரி 14, 1972

அரசாட்சி ஆண்டுகள் : 43

6) சுவீடன் மன்னர் கார்ல் பதினாறாம் கஸ்டாவ்

பிறப்பு : 1946

முடி சூட்டப்பட்ட ஆண்டு : செப்டெம்பர் 15, 1973

அரசாட்சி ஆண்டுகள் : 41

7) சுவாசிலாந்து மன்னர் மூன்றாம் மஸ்வாதி

பிறப்பு : 1933

முடி சூட்டப்பட்ட ஆண்டு : ஏப்ரல் 25, 1986

அரசாட்சி ஆண்டுகள் : 29

8) ஜப்பான் பேரரசர் அகிஹிடோ

பிறப்பு : 1938

முடி சூட்டப்பட்ட ஆண்டு : ஜனவரி 7, 1989

அரசாட்சி ஆண்டுகள் : 26

9) லெசோதோ மன்னர் மூன்றாம் லெட்சிய்

பிறப்பு : 1933

முடி சூட்டப்பட்ட ஆண்டு :  நவம்பர் 12, 1990

அரசாட்சி ஆண்டுகள் : 24

10) நோர்வே மன்னர் ஐந்தாம் ஹரால்ட்

பிறப்பு : 1933

முடி சூட்டப்பட்ட ஆண்டு :  ஜனவரி 17, 1991

அரசாட்சி ஆண்டுகள் : 24

***

ஜூன் 22 -------› உலக ஒட்டக தினம்

“பாலைவனக் கப்பல்” என்றழைக்கப்படுகின்ற ஒட்டகங்களின் சூழல் முக்கியத்துவத்தினை உணர்த்தும்முகமாக ஜூன் மாதம் 22ம் திகதி உலக ஒட்டக தினமாக உலகளாவியரீதியில் கொண்டாடப்படுகின்றது.

ஒட்டகங்கள் தொடர்பிலான சுவையான தகவல்கள் சில…!

ஒட்டகத்தின் ஆங்கில வார்த்தையான கேமல் (Camel) என்பது அரேபிய மொழியிலிருந்து உதிர்த்தது. அரேபிய மொழியில் “அழகு” என்பது அதன் அர்த்தமாகும். ஒட்டகம் என்றாலே பாலைவனமும் அது தனக்குள் தேக்கி வைத்திருக்கும் தண்ணீரும்தான் பலரது நினைவுக்கு வரும். ஒட்டகம் நீண்ட பயணத்திற்கு தயார்படுத்துவது சற்று வித்தியாசமானதாக இருக்கும். பயணத்திற்கு முன் ஒட்டகத்தில் பயணம் செய்ய இருப்பவர் ஒட்டகத்திற்கு அதிகப்படியான உப்பைக் கொடுப்பார். உப்பின் தன்மையால் அது அதிகளவான தண்ணீரைக் குடிக்கும். கிட்டத்தட்ட 80 லீற்றர் தண்ணீரை ஒட்டகம் குடித்துவிடும். ஒட்டகத்தின் கூன் தண்ணீரை சேமிப்பதில்லை. மாறாக அதில் கொழுப்பு சேகரிக்கப்பட்டுள்ளது. அதன் உடல் முழுவதும் வெப்பத்தை அதிகம் ஈர்க்காததாக அமைந்துள்ளது.

ஒட்டகத்திற்கு மூன்று வயிறு இருக்கிறது. முதலாவது வயிற்றில் தனக்குத் தேவையான உணவை சேகரித்து வைத்துக் கொள்கிறது. தேவைப்படும் அந்த உணவை வாயில் அசைபோட்டு உட்கொள்ளும். இரண்டாவது வயிறு, உணவுகளை ஜீரணப்படுத்துவதற்கான திரவியங்களை சுரக்கும் இடமாக இருக்கின்றது. மூன்றாவது வயிற்றில் அசைபோட்ட உணவுப்பண்டங்கள் சென்று சேர்கின்றன. அங்குதான் உணவு ஜீரணிக்கப்படுகின்றது. இதில் மூன்றாவது வயிற்றைத் தவிர முதலிரண்டு வயிறுகளின் பக்கவாட்டுச் சுவர்களில் நிறைய பை போன்ற அமைப்புக்கள் காணப்படுகின்றன. இந்தப் பைகளில் தண்ணீரை ஒட்டகங்கள் சேர்த்து வைத்துக் கொள்கின்றன. எப்போது அதற்கு தண்ணீர் தேவைப்படுகிறதோ, அப்போது திறந்து சுரக்கும் நீரை எடுத்துக் கொள்ளும்.

வெகு நாட்களுக்கு ஒட்டகம் தண்ணீர் அருந்தாமல் வாழமுடியும். ஏனெனில் அவைகளின் இரத்த அணுக்களின் வடிவம் முட்டை வடிவத்திலிருக்கின்றன. டீஹைட்ரேஷன் அல்லது உடலில் தண்ணீர் இழந்த பின்னரும் இரத்த அணுக்கள் முட்டை வடிவத்தில் இருப்பதால் உடலில் ஒட்டிக்கொண்டே இருக்கும். மனித உடலில் உள்ள இரத்த அணுக்கள் வட்டமாக உள்ளதால் உடலில் தண்ணீர் குறையும்போது இரத்த ஓட்டம் சீராக இல்லாமல் ஒன்றாக குவிந்துவிடும். ஒட்டகங்களின் உடலின் வெப்பம் இரவில் 34 பாகை செல்சியஸ், பகலில் 41 பாகை செல்சியஸ் ஆகும். பகலில் 41 பாகை வரை உடல் சூடான பின்னரே ஒட்டகங்களுக்கு வியர்வை வர ஆரம்பிக்கும். தங்கள் உடலில் 25 சதவீதம் தண்ணீர இழந்தாலும் அவற்றின் உடலில் தண்ணீர் பற்றாக்குறை ஏற்படாது. ஆனால் மற்ற மிருகங்கள் 15 சதவீதம் தண்ணீரை இழந்தவுடனே அவைகளுக்கு தண்ணீர் பற்றாக்குறை ஏற்படும். பச்சையாக இருக்கின்ற செடிகளினை உண்பதினாலும், தண்ணீர் குடிப்பதினாலும் ஒட்டகங்களுக்கு ஈரப்பசை கிடைக்கின்றது. ஒரு ஒட்டகத்தில் அதிக பாரம் ஏற்றாமல், வேகமாக நடக்காமல், ஓரளவு சாதாரண வேகத்தில் நடந்து சென்றால் எந்தப் பாலைவனத்திலும் ஒட்டகம் 10 நாட்கள் வரை தண்ணீர் குடிக்காமல் இருக்கும்.

 ***

உலகக்கிண்ண சாதனைகளை புதுப்பித்த ஆஸி அணி…!

11வது உலகக்கிண்ண சுற்றுத்தொடரில் "A" குழுவிற்கான  நேற்றைய நாள் ஆட்டம் (மார்ச் 4, 2015) அவுஸ்திரேலியா மற்றும் ஆப்கானிஸ்தான் அணிகளுக்கிடையே அவுஸ்திரேலியாவின் பேர்த்தில் நடைபெற்றது. நாணயச்சுழற்சியில் வெற்றி பெற்ற ஆப்கானிஸ்தான் அணி களத்தடுப்பினை தெரிவுசெய்ய, முதலில் துடுப்பெடுத்தாடிய அவுஸ்திரேலிய அணி 50 ஓவர்கள் நிறைவில் 6 விக்கட் இழப்பிற்கு சாதனைமிகு 417 ஓட்டங்களை பெற்றுக்கொண்டது.

அவுஸ்திரேலிய அணி சார்பாக ஆரம்பத் துடுப்பாட்ட வீரர் டேவிட் வோர்னர் 133 பந்துகளில் 5 ஆறு ஓட்டங்கள், 19 நான்கு ஓட்டங்கள் அடங்கலாக 178 ஓட்டங்களினையும், ஸ்மித் 95 ஓட்டங்களினையும், மெக்ஸ்வெல் 39 பந்துகளில் 7 ஆறு ஓட்டங்கள், 6 நான்கு ஓட்டங்கள் அடங்கலாக 88 ஓட்டங்களையும் பெற்றுக் கொண்டனர்.

பதிலுக்கு துடுப்பெடுத்தாடிய ஆப்கானிஸ்தான் அணி 37.3 ஓவர்களில் சகல விக்கட்களையும் இழந்து 142 ஓட்டங்களை மாத்திரம் பெற்று சாதனைமிகு 275 ஓட்டங்களினால் தோல்வியைத் தழுவியது. பந்துவீச்சில் மிச்செல் ஜோன்சன் 22 ஓட்டங்களுக்கு 4 விக்கட்களை வீழ்த்தினார்.

பல்வேறு சாதனைகள் புதுப்பிக்கப்பட்ட இப்போட்டியில் நிகழ்த்தப்பட்ட சுவாரஷ்சியமான சில சாதனைகள் வருமாறு;

*அவுஸ்திரேலிய அணி பெற்ற 417 ஓட்டங்களே உலகக்கிண்ண கிரிக்கெட் போட்டியொன்றில் அணியொன்று பெற்ற அதிகூடிய மொத்த ஓட்டங்கள் என்ற சாதனைக்குரியதாகும்.

இதற்கு முன்னர், 2007ம் ஆண்டு இந்திய அணி, பெர்முடா  அணிக்கெதிராக பெற்ற 413 ஓட்டங்களே சாதனையாக பதிவாகியிருந்தது.

உலகக்கிண்ண கிரிக்கெட் – அணியொன்று பெற்ற அதிகூடிய மொத்த ஓட்டங்களின் விபரம்;

• அவுஸ்திரேலியா  417/6 V ஆப்கானிஸ்தான், 2015
• இந்தியா 413/5 V பெர்முடா, 2007
• தென்னாபிரிக்கா 411/4 V அயர்லாந்து, 2015
• தென்னாபிரிக்கா 408/5 V மே.தீவுகள், 2015
• இலங்கை 398/5 V கென்யா, 1996

* வோர்னர் பெற்ற 178 ஓட்டங்கள், உலகக்கிண்ண கிரிக்கெட் போட்டியொன்றில் ஆஸி அணியின் வீரரொருவர் பெற்ற அதிகூடிய ஓட்டங்கள் என்ற சாதனைக்குரியதாகும். இதற்கு முன்னர், ஷேன் வொட்சன் 2007ம் ஆண்டு மே.தீவுகள் அணிக்கெதிராக பெற்ற 158 ஓட்டங்களே சாதனையாகவிருந்தது. மேலும், அவுஸ்திரேலிய மண்ணில் அவ்வணி வீரரொருவர் பெற்ற அதிகூடிய ஓட்டங்கள் என்ற சாதனையினையும் வோர்னர் தனதாக்கினார். இதற்கு முன்னர், மார்க் வோ 2001ம்ஆண்டு மே.தீவுகள் அணிக்கெதிராகப் பெற்ற 171 ஓட்டங்களே சாதனையாகவிருந்தது.

* ஆஸி அணி 275 ஓட்டங்களினால் வெற்றி பெற்ற வெற்றியின் மூலம், உலகக்கிண்ண கிரிக்கெட்டில் அதிகூடிய ஓட்ட வித்தியாசத்தில் வெற்றி பெற்ற அணியாக ஆஸி சாதனை படைத்தது.

உலகக்கிண்ண கிரிக்கெட் – அதிகூடிய ஓட்ட வித்தியாசத்தில் வெற்றி பெற்ற அணிகளின் விபரம்;

• 275 ஓட்டங்கள், ஆஸி V ஆப்கானிஸ்தான், 2015
• 257 ஓட்டங்கள், இந்தியா V பெர்முடா, 2007
• 257 ஓட்டங்கள், தென்னாபிரிக்கா V மே.தீவுகள், 2015
• 256 ஓட்டங்கள், ஆஸி V நமீபியா, 2003
• 243 ஓட்டங்கள், இலங்கை V பெர்முடா, 2007
• 231 ஓட்டங்கள், தென்னாபிரிக்கா V நெதர்லாந்து, 2011

* ஆஸி அணியின் வோர்னர், ஸ்மித் ஜோடி 2வது விக்கட் இணைப்பாட்டமாக பெற்ற சாதனைமிகு 260 ஓட்டங்கள் மூலம் ஒருநாள் சர்வதேச கிரிக்கெட்டில் ஆஸி அணியின் சார்பாக எந்தவொரு விக்கட்டிற்குமான மிகச்சிறந்த இணைப்பாட்ட ஓட்டப்பெறுதி ஆகும். இதற்குமுன்னர், 2009ம் ஆண்டு ரிக்கி பொண்டிங், ஷேன் வொட்சன் ஜோடி இங்கிலாந்து அணிக்கெதிராகப் பெற்ற 252* ஓட்டங்களே சாதனையாகவிருந்தது.

* ஆப்கானிஸ்தான் அணியின் தவ்லாத் ஸத்ரான் 10 ஓவர்களில் 101 ஓட்டங்களை வாரி வழங்கினார். இதன்மூலம், உலகக்கிண்ண கிரிக்கெட்டில் பந்துவீச்சாளர் ஒருவர் 100+ ஓட்டங்களை வழங்கிய 3வது சந்தர்ப்பம் இதுவாகும்.

•  மார்டின் ச்நேட்டேன், 12-1-105-2, நியூசிலாந்து V இங்கிலாந்து, 1983
• ஜேசன் ஹோல்டர், 10-2-104-1, மே.தீவுகள் V தென்னாபிரிக்கா, 2015
• தவ்லாத் ஸத்ரான், 10-1-101-2, ஆப்கானிஸ்தான் V ஆஸி, 2015

* ஆஸி அணியின் கிளென் மெக்ஸ்வெல் 18 பந்துகளில் அரைச்சதத்தினை பூர்த்தி செய்தார். இதுஉலகக்கிண்ணப் போட்டிகளில் பெறப்பட்ட 3வது அதிக வேக அரைச்சதம் ஆகும்.

***

அசுரத் தாண்டவமாடிய கிறிஸ் கெய்ல்…!

11வது உலகக்கிண்ண சுற்றுத்தொடரில் "B" குழுவிற்கான இன்றைய ஆட்டம் மே.தீவுகள் மற்றும் சிம்பாப்வே அணிகளுக்கிடையே அவுஸ்திரேலியாவின் கென்பராவில் நடைபெற்றது.நாணயச்சுழற்சியில் வெற்றி பெற்று முதலில் துடுப்பெடுத்தாடிய மே.தீவுகள் அணி50 ஓவர்கள் நிறைவில் 2 விக்கட் இழப்பிற்கு 372 ஓட்டங்களை பெற்றுக்கொண்டது.

மே.தீவுகள் அணி சார்பாக ஆரம்பத் துடுப்பாட்ட வீரர் கிறிஸ் கெய்ல் 147 பந்துகளில் 16 ஆறு ஓட்டங்கள், 10 நான்கு ஓட்டங்கள் அடங்கலாக215 ஓட்டங்களினையும், மார்லன் சாமுவேல்ஸ் ஆட்டமிழக்காமல் 156 பந்துகளில் 03 ஆறு ஓட்டங்கள், 11 நான்கு ஓட்டங்கள் அடங்கலாக 133 ஓட்டங்களையும் பெற்றுக் கொண்டனர்.

பதிலுக்கு துடுப்பெடுத்தாடிய சிம்பாப்வே அணிக்கு மழை காரணமாக 48 ஓவர்களில் 363 ஓட்டங்கள் வெற்றி இலக்காக நிர்ணயிக்கப்பட்டது.ஆனால், 44.3 ஓவர்களில் சிம்பாப்வே அணி சகல விக்கட்களையும் இழந்து 289 ஓட்டங்களை மாத்திரம் பெற்று டக்வேத் லூயிஸ் முறையில் 73 ஓட்டங்களினால் தோல்வியைத் தழுவியது.

பல்வேறு சாதனைகள் புதுப்பிக்கப்பட்ட இப்போட்டியில் நிகழ்த்தப்பட்ட சுவாரஷ்சியமான சில சாதனைகள் வருமாறு;

கிறிஸ் கெய்ல் பெற்ற 215 ஓட்டங்களே உலகக்கிண்ண கிரிக்கெட் போட்டியொன்றில் பெறப்பட்ட முதலாவது இரட்டைச் சதம் என்ற சாதனைக்குரியதாகும்.

இதற்கு முன்னர், உலகக்கிண்ணப் போட்டியொன்றில் பெறப்பட்ட மிகச்சிறந்த தனிநபர் ஓட்டப்பெறுதி,1996ம் ஆண்டு தென்னாபிரிக்க அணியின்  கெரி கேர்ஸ்டன், ஐக்கிய அரபு இராச்சிய அணிக்கெதிராக ஆட்டமிழக்காமல் பெற்ற 188 ஓட்டங்களாகும்.

உலகக்கிண்ண கிரிக்கெட் – அதிகூடிய தனிநபர் ஓட்டப்பெறுதிகளின் விபரம்;

• கிறிஸ் கெய்ல் 215 மே.தீவுகள் V சிம்பாப்வே, 2015
• கபில் தேவ் 175* இந்தியா V சிம்பாப்வே, 1983
• கெரி கேர்ஸ்டன் 188* தென்னாபிரிக்கா V ஐக்கிய அரபு இராச்சியம், 1996
• சவ்ரவ் கங்குலி 183* இந்தியா V இலங்கை, 1999
• விவ் ரிச்சர்ட்ஸ் 181 மே.தீவுகள் V இலங்கை, 1987
• விரேந்தர் சேவாக் 175 இந்தியா V பங்களாதேஷ், 2011

கிறிஸ் கெய்ல் பெற்ற 215 ஓட்டங்கள், ஒருநாள் சர்வதேச கிரிக்கெட் போட்டியொன்றில் மே.தீவுகள் வீரரொருவர் பெற்ற அதிகூடிய ஓட்டங்கள் என்ற சாதனைக்குரியதாகும்.இதற்கு முன்னர், சேர் விவ் ரிச்சர்ட்ஸ் 1984ம் ஆண்டு இங்கிலாந்து அணிக்கெதிராக பெற்ற 189 ஓட்டங்களே சாதனையாகவிருந்தது.

மேலும் இப்போட்டியில் கிறிஸ் கெய்ல் பெற்ற இரட்டைச் சதமானது ஒருநாள் சர்வதேச கிரிக்கெட் போட்டி வரலாற்றில் பெறப்பட்ட 5வது இரட்டைச் சதம் என்பதுடன் இந்தியரல்லாத ஒருவர் பெற்ற முதலாவது இரட்டைச் சதம் மற்றும் இந்திய மண்ணிற்கு வெளியே பெறப்பட்ட முதலாவது இரட்டைச் சதம் ஆகும்.

 சர்வதேச ஒருநாள் கிரிக்கெட் போட்டிகளில் இரட்டைச்சதம் அடித்தோர் விபரம்;

• சச்சின் டெண்டுல்கர் 200* (147) இந்தியா V தென்னாபிரிக்கா, 2010
• விரேந்தர் சேவாக் 219 (149) இந்தியா V மே.தீவுகள், 2011
• ரோஹிட் ஷர்மா 209 (158) இந்தியா V ஆஸி, 2013
• ரோஹிட் ஷர்மா 264 (173) இந்தியா V இலங்கை, 2014
• கிறிஸ் கெய்ல் 215 (147) மே.தீவுகள் V சிம்பாப்வே, 2015

கிறிஸ் கெய்ல் 138 பந்துகளில் தனது இரட்டைச் சதத்தினை பூர்த்தி செய்தமை குறிப்பிடத்தக்கது.இதன்மூலம், அதிவேக இரட்டைச் சதம் பெற்ற வீரர் என்ற சாதனையினை அவர் படைத்தார்.இதற்கு முன்னர், இந்திய அணியின் விரேந்தர் சேவாக் 140 பந்துகளில் இரட்டைச் சதம் பெற்றமை குறிப்பிடத்தக்கதாகும்.

இப்போட்டியில் மே.தீவுகள் அணி பெற்ற 372 ஓட்டங்களானது ஒருநாள் சர்வதேச கிரிக்கெட் போட்டிகளில் அவ்வணி பெற்ற அதிகூடிய மொத்த ஓட்டங்களாகும்.

• 372-2 V சிம்பாப்வே, கென்பரா, 2015
• 363-4 V நியூசிலாந்து, ஹமில்டன், 2014
• 360-4 V இலங்கை, கராச்சி, 1987
• 347-6 V சிம்பாப்வே, புலவாயோ, 2003
• 339-4 V பாகிஸ்தான், அடிலெய்ட், 2005

மேலும், அவுஸ்திரேலிய மண்ணில் அணியொன்று பெற்ற அதிகூடிய மொத்த ஓட்டங்களாகவும் இந்த 372 ஓட்டங்கள் விளங்குகின்றது.இதற்கு முன்னர், 2006ம் ஆண்டு இலங்கை அணிக்கெதிராக ஆஸி அணி பெற்ற 368-5 ஓட்டங்களே சாதனையாகவிருந்தது.

மே.தீவுகளின் கிறிஸ் கெய்ல் மற்றும் மார்லன் சாமுவேல்ஸ் ஆகியோர் 2வது விக்கெட் இணைப்பாட்டமாகப் பெற்ற சாதனைமிகு 372வது ஓட்டங்கள் ஒருநாள் சர்வதேச கிரிக்கெட் மற்றும் உலகக்கிண்ண கிரிக்கெட் ஆகியவற்றில் எந்தவொரு விக்கட்டிற்குமான மிகச்சிறந்த இணைப்பாட்ட ஓட்டப்பெறுதி ஆகும்.

ஒருநாள் சர்வதேச கிரிக்கெட்டில் நிகழ்த்தப்பட்ட அதிகூடிய இணைப்பாட்ட ஓட்டப்பெறுதிகளின் விபரம்;

• கிறிஸ் கெய்ல், மார்லன் சாம்வேல்ஸ் ->372 ஓட்டங்கள், 2வது விக்கெட், மே.தீவுகள் V சிம்பாப்வே, கென்பரா, 2015 (11வது உலகக்கிண்ணம்)
• சச்சின் டெண்டுல்கர், ராகுல் ராவிட் ->331 ஓட்டங்கள், 2வது விக்கெட், இந்தியா V நியூசிலாந்து, ஹைதராபாத், 1999
• சவ்ரவ் கங்குலி, ராகுல் ராவிட் -> 318 ஓட்டங்கள், 2வது விக்கெட், இந்தியா V இலங்கை, ரவுன்ரன், 1999 (8வது உலகக்கிண்ணம்)
• உப்புல் தரங்க, சனத் ஜயசூரிய -> 286 ஓட்டங்கள், 1வது விக்கெட், இலங்கை V இங்கிலாந்து, லீட்ஸ், 2006
• உப்புல் தரங்க, திலகரட்ன டில்சான் -> 282 ஓட்டங்கள், 1வது விக்கெட், இலங்கை V சிம்பாப்வே, பல்லேகல, 2011

கிறிஸ் கெய்ல் இப்போட்டியில் 16 ஆறு ஓட்டங்களை பெற்றமை குறிப்பிடத்தக்கது. இதன்மூலம், தென்னாபிரிக்க மற்றும் சிம்பாப்வே அணிகளுக்கிடையிலான போட்டியில் தென்னாபிரிக்க வீரர் டேவிட் மில்லர் அடித்த 09 ஆறு ஓட்டங்கள் சாதனையினை முறியடித்து, உலகக்கிண்ண கிரிக்கெட் போட்டியொன்றில் அதிக ஆறு ஓட்டங்களை பெற்ற வீரர் என்கின்ற சாதனையினை அவர் தனதாக்கியதுடன், ஒருநாள் சர்வதேச கிரிக்கெட் போட்டியொன்றில் அதிக ஆறு ஓட்டங்களை பெற்ற ரோஹிட் ஷர்மா, ஏபி டி வில்லியர்ஸ் ஆகியோரின் சாதனையினையும் கெய்ல் சமன் செய்தார்.

v கிறிஸ் கெய்ல் -> 16 மே.தீவுகள் V சிம்பாப்வே, கென்பரா, 2015

v ரோஹிட் ஷர்மா-> 16 இந்தியா V ஆஸி, 2013

v ஏபி டி வில்லியர்ஸ் -> 16 தென்னாபிரிக்கா V மே.தீவுகள், 2015

இதேவேளை, கிறிஸ் கெய்ல் விளாசிய 16 ஆறு ஓட்டங்களின் மூலம், சர்வதேச கிரிக்கெட்டில் 400 ஆறு ஓட்டங்களை (229-ODIs, 98-Tests, 87-T20s) கடந்த 2வது வீரர் என்ற சாதனையினை அவர் படைத்தார்.பாகிஸ்தான் அணியின் சஹீட் அப்ரிடி சர்வதேச கிரிக்கெட்டில்அதிக ஆறு ஓட்டங்களை விளாசிய முதன்மை வீரராக விளங்குகின்றார்.

சர்வதேச கிரிக்கெட் அரங்கில் டெஸ்ட் கிரிக்கெட்டில் முச்சதம், சர்வதேச ஒருநாள் கிரிக்கெட்டில் இரட்டைச் சதம், இருபதுக்கு இருபது போட்டியில் சதம் பெற்ற ஒரே வீரர் என்ற சாதனையினை கிறிஸ் கெய்ல் நிலைநாட்டியுள்ளார்.

சர்வதேச ஒருநாள் கிரிக்கெட்டில் இரட்டைச் சதம் மற்றும் சதம் பெறப்பட்ட ஒரேபோட்டி இப்போட்டி ஆகும்.

***

இங்கிலாந்து அணியை பந்தாடிய நியூசிலாந்து அணி…!

11வது உலகக்கிண்ண கிரிக்கெட் தொடரின் குழுவிற்கான இங்கிலாந்து மற்றும் நியூசிலாந்து அணிகளுக்கிடையிலான போட்டி இன்றைய தினம் (பெப்.20) நடைபெற்றது.

இப்போட்டியில் நாணயச் சுழற்சியில் வெற்றி பெற்ற இங்கிலாந்து அணி 33.2 ஓவர்களில் சகல விக்கட்களையும் இழந்து 123 ஓட்டங்களை மாத்திரம் பெற்றுக்கொண்டது. பந்துவீச்சில் நியூசிலாந்து அணியின் வேகப்பந்து வீச்சாளர் ரிம் செளதி 33 ஓட்டங்களுக்கு 7 விக்கட்களை வீழ்த்தினார்.

பதிலுக்கு 124 ஓட்டங்களை வெற்றி இலக்காகக் கொண்டு துடுப்பெடுத்தாடிய நியூசிலாந்து அணி 12.2 ஓவர்களில் வெற்றி இலக்கினை அடைந்தது. துடுப்பாட்டத்தில் நியூசிலாந்து அணித்தலைவர் 25 பந்துகளில் 77 ஓட்டங்களைப் பெற்றார்.

பல்வேறு சாதனைகளைப் புதுப்பித்த இப்போட்டி தொடர்பான சில சுவாரஷ்சியமான தகவல்கள்:

***18 பந்துகளில் அரைச்சதத்தினை பூர்த்திசெய்த நியூசிலாந்து அணியின் பிரண்டன் மெக்கலம், உலகக்கிண்ண கிரிக்கெட் வரலாற்றில் அதிவேக அரைச்சதம் பெற்ற வீரர் என்ற தனது சாதனையினை புதுப்பித்துக் கொண்டார். 2007ம் ஆண்டு கனடா அணிக்கெதிராக 20 பந்துகளில் பிரண்டன் மெக்கலம் அதிவேக அரைச்சத சாதனையினை நிகழ்த்தியிருந்தமை குறிப்பிடத்தக்கதாகும்.

       

                                                             
***அத்துடன், சர்வதேச ஒருநாள் கிரிக்கெட் வரலாற்றில் அதிவேக அரைச்சதம் பெற்ற 3வது வீரர் என்ற சாதனையினையும் பிரண்டன் மெக்கலம் படைத்தார்.

*** ஏபி டி வில்லியர்ஸ் - 16 பந்துகள், தென்னாபிரிக்கா எதிர் மே.தீவுகள், 2015

*** சனத் ஜயசூரிய - 17 பந்துகள், இலங்கை எதிர் பாகிஸ்தான், 1996

*** பிரண்டன் மெக்கலம் - 18 பந்துகள், நியூசிலாந்து எதிர் இங்கிலாந்து, 2015

***33 ஓட்டங்களுக்கு 7 விக்கட்களை வீழ்த்திய நியூசிலாந்து அணியின் ரிம் செளதி, உலகக்கிண்ண கிரிக்கெட் வரலாற்றில் மிகச்சிறந்த பந்துவீச்சுப் பெறுதியினைப் பெற்ற 3வது வீரர் என்ற சாதனையினை படைத்தார்.

*** கிளென் மெக்ராத் - 7/15 - ஆஸி எதிர் நமீபியா - 2003

*** அன்டி பிச்சல் - 7/20 - ஆஸி எதிர் இங்கிலாந்து - 2003

*** ரிம் செளதி - 7/33 - நியூசிலாந்து எதிர் இங்கிலாந்து - 2015

*** வின்ஸ்டன் டேவிஸ் - 7/51 - இங்கிலாந்து எதிர் ஆஸி - 1983

***சர்வதேச ஒருநாள் கிரிக்கெட் வரலாற்றில் மிகச்சிறந்த பந்துவீச்சுப் பெறுதியினைப் பெற்ற நியூசிலாந்து வீரர் என்ற சாதனையினையும் ரிம் செளதி இன்றைய போட்டியில் படைத்தார். இதற்கு முன்னர் இச்சாதனையினை ஷேன் பொண்ட் நிகழ்ந்தியிருந்தமை குறிப்பிடத்தக்கதாகும்.

*** 6/23 எதிர் அவுஸ்திரேலியா - 2003 

*** 6/19 எதிர் இந்தியா - 2005

***226 பந்துகள் மீதமிருக்க நியூசிலாந்து அணி தனது வெற்றி இலக்கினை    இங்கிலாந்து அணிக்கெதிராக எட்டியது. இதன்மூலம் இங்கிலாந்து அணி பந்துகள் எண்ணிக்கையிலான தனது மிகமோசமான தோல்வியினை சமப்படுத்திக் கொண்டது. இதற்கு முன்னர், 2003ம் ஆண்டு சிட்னியில் ஆஸி அணிக்கெதிராக இங்கிலாந்து அணி 226 பந்துகள் மீதமிருக்க தோல்வியினை தழுவியமை குறிப்பிடத்தக்கதாகும்.

உலகக்கிண்ண கிரிக்கெட்டில் "அதிர்ச்சித் தோல்விகள்"

11வது உலகக்கிண்ண கிரிக்கெட் தொடரின் "B" குழுவிற்கான மே.தீவுகள் மற்றும் அயர்லாந்து அணிகளுக்கிடையிலான போட்டி கடந்த திங்கட்கிழமை நடைபெற்றது.

இந்தப் போட்டியில் அயர்லாந்து அணி அபாரமாக துடுப்பெடுத்தாடி 305 என்கின்ற ஓட்ட இலக்கினை 45.5 ஓவர்களில் அடைந்து சாதனை வெற்றியினை பதிவுசெய்து மே.தீவுகள் அணிக்கு அதிர்ச்சி வைத்தியம் அளித்தது.

அந்தவகையில், உலகக்கிண்ண கிரிக்கெட்  வரலாற்றில்  டெஸ்ட் அந்தஸ்து பெற்ற அணியினை, ஐசிசியின் அங்கத்துவ நாடொன்று வெற்றியீட்டி அதிர்ச்சி அளித்த போட்டி விபரங்கள் வருமாறு:

Yஇலங்கை 238/5 (60 ஓவர்கள்) எதிர் இந்தியா 191/10 (54.1 ஓவர்கள்) – 1979, இங்கிலாந்து

*** இலங்கை அணி 47 ஓட்டங்களால் வெற்றி

Yசிம்பாப்வே 239/6 (60 ஓவர்கள்) எதிர் அவுஸ்திரேலியா 226/7 (60 ஓவர்கள்) – 1983, இங்கிலாந்து

*** சிம்பாப்வே அணி 13 ஓட்டங்களால் வெற்றி

Yசிம்பாப்வே 134/10 (46.1 ஓவர்கள்) எதிர் இங்கிலாந்து 125/10 (49.1 ஓவர்கள்) – 1992, அவுஸ்திரேலியா

*** சிம்பாப்வே அணி 9 ஓட்டங்களால் வெற்றி

Yகென்யா 166/10 (49.3 ஓவர்கள்) எதிர் மே.தீவுகள் 93/10 (35.2 ஓவர்கள்) – 1996, இந்தியா

*** கென்ய அணி 73 ஓட்டங்களால் வெற்றி

Yபங்களாதேஷ் 223/9 (50 ஓவர்கள்) எதிர் பாகிஸ்தான் 161/10 (44.3 ஓவர்கள்) – 1999, இங்கிலாந்து

*** பங்களாதேஷ் அணி 62 ஓட்டங்களால் வெற்றி

Yகென்யா 210/9 (50 ஓவர்கள்) எதிர் இலங்கை 157/10 (45 ஓவர்கள்) – 2003, கென்யா

*** கென்ய அணி 53 ஓட்டங்களால் வெற்றி

Yகென்யா 217/7 (50 ஓவர்கள்) எதிர் பங்களாதேஷ் 185/10 (47.2 ஓவர்கள்) – 2003, தென்னாபிரிக்கா

*** கென்ய அணி 32 ஓட்டங்களால் வெற்றி

Yசிம்பாப்வே 133/10 (44.1 ஓவர்கள்) எதிர் கென்யா 135/3 (50 ஓவர்கள்) – 2003, தென்னாபிரிக்கா

*** கென்ய அணி 7 விக்கட்களால் வெற்றி

Yகனடா 180/10 (49.1 ஓவர்கள்) எதிர் பங்களாதேஷ் 120/10 (28 ஓவர்கள்) – 2003, தென்னாபிரிக்கா

*** கனடா அணி 60 ஓட்டங்களால் வெற்றி

Yபாகிஸ்தான் 132/10 (45.4 ஓவர்கள்) எதிர்  அயர்லாந்து 133/7 (41.4 ஓவர்கள்)– 2003, மே.தீவுகள்

*** அயர்லாந்து அணி 3 விக்கட்களால் வெற்றி

Yஅயர்லாந்து 243/7 (50 ஓவர்கள்) பங்களாதேஷ் எதிர் 169/10 (41.2 ஓவர்கள்) – 2003, மே.தீவுகள்

*** அயர்லாந்து அணி 74 ஓட்டங்களால் வெற்றி

Yஇங்கிலாந்து 327/8 (50 ஓவர்கள்) எதிர்  அயர்லாந்து 329/7 (49.1 ஓவர்கள்)– 2011,  இந்தியா

*** அயர்லாந்து அணி 3 விக்கட்களால் வெற்றி

Yமேதீவுகள் 304/7 (50 ஓவர்கள்) எதிர்  அயர்லாந்து 307/6 (45.5 ஓவர்கள்)– 2015,  நியூசிலாந்து

*** அயர்லாந்து அணி 4 விக்கட்களால் வெற்றி

(குறிப்பு – இலங்கை அணி டெஸ்ட் அந்தஸ்து பெற்ற ஆண்டு – 1982: சிம்பாப்வே அணி டெஸ்ட் அந்தஸ்து பெற்ற ஆண்டு – 1992: பங்களாதேஷ் அணி டெஸ்ட் அந்தஸ்து பெற்ற ஆண்டு – 2000)

***