ஆறுகள் தொடர்பிலான சுவையான தகவல்கள்...!

2005ம் ஆண்டிலிருந்து, செப்டம்பர் மாத இறுதி ஞாயிற்றுக் கிழமையானது உலக ஆறுகள் தினமாக உலகெங்கும் கொண்டாடப்பட்டு வருகின்றது.

உலகளாவியரீதியில் ஆறுகள், காலநிலை மாற்றங்கள், மாசடைதல் செயற்பாடுகள், மற்றும் கைத்தொழில் அபிவிருத்திகளின் காரணமாக பல்வேறுபட்ட அச்சுறுத்தல்களை எதிர்நோக்கியுள்ளன. எனவே இவை தொடர்பாக மக்களிடையே விழிப்புணர்வினை ஏற்படுத்துவதுடன், ஆற்று வளங்களினைப் பாதுகாப்பதன் அவசியம் தொடர்பாக மக்களின் கவனத்தினை ஈர்ப்பதே உலக ஆறுகள் தினம் கொண்டாடப்படுவதன் நோக்கமாகும்.

அந்தவகையில், ஆறுகள் தொடர்பிலான சுவையான தகவல்கள் உங்களுக்காக…!

Y உலகில் 1000 மைல்களினை விடவும் நீளமான 75 ஆறுகள் உள்ளன.

Y உலகில் அதிக எண்ணிக்கையான  நகரங்கள்  நதிகளை அண்டியே அமைந்துள்ளன. குறிப்பாக, உலகில் அதிக எண்ணிக்கையிலான தலைநகரங்கள் அமைந்துள்ள  நதிக்கரை டன்யூப் ஆகும். அவையாவன, ஆஸ்திரியா ⇨ வியன்னா, ஹங்கேரி ⇨ புடாபெஸ்ட், சேர்பியா ⇨  பெல்கிரேட், ஸ்லோவாக்கியா ⇨ பிராட்டிஸ்லாவா ஆகியனவாகும்.

வொல்கா நதியினை அடுத்து ஐரோப்பாவின் இரண்டாவது மிகப்பெரிய நதி டன்யூப் ஆகும்.

Y உலகிலுள்ள பிரதான ஆறுகளில், அதிகளவான நீரினை கடலுக்கு வெளியேற்றுகின்ற பிரதான ஆறு அமேசன் நதியாகும். வெளியேற்றும் நீரானது  உலகில் அதனை அடுத்துள்ள ஆறு பெரிய ஆறுகள் வெளியேற்றும் நீரின் அளவினை விடவும் அதிகமாகும். அமேசன் நதியாது, மழைக்காலங்களில் வினாடிக்கு சராசரியாக 300,000 கன மீட்டர் நீரை வெளியேற்றுகிறது. உலகில் உள்ள ஆறுகள் கடலில் கொண்டு சேர்க்கும் நீரில் 20% வகிபாகத்தினை அமேசன் நதி வகிக்கின்றது.

Y ஆபிரிக்காவில் 2வது மிக நீளமான நதியாகவும்(2700 கிமீ), உலகில் 9வது மிக நீளமான நதியாகவும் விளங்கும் கொங்கோ நதியே உலகில் மிக ஆழமான நதியாகும். இதன் ஆழம் சராசரியாக 250 மீற்றர்(820 அடிகள்). மேலும், அமேசன் நதியினையடுத்து, அதிகளவான நீரினை கடலுக்கு வெளியேற்றுகின்ற நதி கொங்கோ நதியாகும்.

Y உலகில் மிக அழகான ஆறாக வட கொலம்பியாவிலுள்ள கனோ கிரிஸ்ரல் நதி கருதப்படுகின்றது.

Y உலகில் மிக நீளமான நதி நைல் நதி ஆகும். பெரும்பாலும் பிரதான ஆறுகள் தெற்கு, மேற்கு, அல்லது கிழக்கு நோக்கியே பாய்கின்றன, ஆனால் நைல் நதியானது தெற்கிலிருந்து வடக்கு நோக்கியே பாய்கின்றமை குறிப்பிடத்தக்கதாகும்.

Y சீனாவின் துயரம் என்றழைக்கப்படுகின்ற மஞ்சள் நதியில் ஏற்படுகின்ற வெள்ளப்பெருக்கின் காரணமாக 20ம் நூற்றாண்டிற்கு பிற்பாடு இன்றுவரை 5 மில்லியனுக்கும் அதிகமான மக்கள் இறந்துள்ளனராம்.

உலகிலுள்ள பிரதான கண்டங்களும், அவற்றிலுள்ள மிகப்பெரிய ஆறுகளும் வருமாறு;

è ஆபிரிக்கா ⇨ நைல் நதி (6,650 கிமீ)

è ஆசியா ⇨ சாங் ஜியாங் நதி (5,530 கிமீ)

è அவுஸ்திரேலியா ⇨ டார்லிங் நதி (3,720கிமீ)

è ஐரோப்பா ⇨ வொல்கா நதி (3,700 கிமீ)

è தென் அமெரிக்கா ⇨ அமேசன் நதி (6,400 கிமீ)

è வட அமெரிக்கா ⇨ மிசூரி நதி (4,090 கிமீ)

***

செப்டம்பர் 27 ⇨ உலக சுற்றுலா தினம் – புகைப்படப் பகிர்வு

உலக சுற்றுலா நாள் (World Tourism Day) உலக சுற்றுலா நிறுவனத்தின் ஆதரவில் செப்டம்பர் 27ம் நாளில் 1980ம் ஆண்டிலிருந்து உலகெங்கும் கொண்டாடப்பட்டு வருகிறது. 1979இல் ஸ்பெயினில் நடைபெற்ற ஐக்கிய நாடுகள் உலக சுற்றுலா நிறுவனத்தின் மூன்றாவது பொது அவைக்கூட்டத்தில் இதற்கான தீர்மானம் கொண்டு வரப்பட்டு நிறைவேற்றப்பட்டது. சுற்றுலாவின் முக்கியத்துவத்தை உலகெங்கும் எடுத்துக்காட்டவும் சுற்றுலா எப்படி மக்களின் சமூக, கலாச்சார, அரசியல் மற்றும் பொருளாதாரத்தில் தாக்கத்தை ஏற்படுத்துகிறது என்பதை எடுத்துக்காட்டவும் இந்நாள் சிறப்பிக்கப்பட்டு வருகிறது.

அக்டோபர், 1997இல் துருக்கியில் நடந்த உலக சுற்றுலா நிறுவனத்தின் கூட்டத்தில் ஒவ்வோர் ஆண்டும் ஒவ்வொரு நாடு இந்நிகழ்வை நடத்த அழைக்கப்பட வேண்டும் என்று முடிவு செய்யப்பட்டது. 2003இல் பீஜிங்கில் இடம் பெற்ற கூட்டத்தில் பின்வரும் ஒழுங்கு முறையில் இந்நாள் கொண்டாடப்பட வேண்டும் என்று முடிவெடுக்கப்பட்டது: 2006 இல் ஐரோப்பா, 2007இல் தெற்காசியா; 2008இல் அமெரிக்கா, 2009இல் ஆபிரிக்கா. 2007இல் இலங்கையில் இந்நாள் கொண்டாடப்பட்டது. இதன் கருப்பொருள்: "சுற்றுலாக் கதவுகள் பெண்களுக்குத் திறக்கப்பட்டுள்ளன" (Tourism opens doors for women).

2013ம் வருடத்திற்கான கருப்பொருள் - சுற்றுலா மற்றும் நீர்: நமது பொதுவான எதிர்காலத்தை பாதுகாத்தல்

சுற்றுலா செல்வது எனக்கு ரொம்ப பிடித்தமான பொழுபோக்கு ஆகும். அந்தவகையில் சில சுற்றுலாத் தளங்களில் என்னால் படம்பிடிக்கப்பட்ட சில காட்சிகளை உங்களுடன் பகிர்ந்துகொள்வதில் மகிழ்வுறுகின்றேன்.

 

Y ஏழுமலை, கதிர்காமம் Y

 Y சிவன்சோலை, கிளிநொச்சி Y

Y வெருகல், திருகோணமலை Y

Y உகந்தை, அம்பாரை Y

Y நயினாதீவு, யாழ்ப்பாணம் Y

Y கொக்கட்டிச்சோலை தான்தோன்றீஸ்வரர், மட்டக்களப்பு Y

Y சூரியகந்தை, இரத்தினபுரி Y

Y கேரதீவு, சங்குப்பிட்டி பாலம், பூநகரி Y

Y குமண பறவைகள் சரணாலயம் Y

***