ஆகக்குறைந்த நாட்டுத் தலைவர்கள் கலந்துகொண்ட CHOGM 2013

இலங்கை நாட்டில் மனித உரிமை மீறல்கள் நிலவுவதாகவும், அது பொறுப்புக் கூறும் தன்மையிலிருந்து விடுபட்டு நிற்பதாகவும்  காரணம் காட்டி இலங்கை கொழும்பில் நடைபெறும் பொதுநலவாய நாடுகள் மாநாட்டினை புறக்கணிப்பதுடன், 2015ம் ஆண்டு தமது நாட்டில் நடைபெறவிருந்த பொதுநலவாய நாடுகள் மாநாட்டினை தாம் கைவிடுவதாகவும் மொறீசியஸ் நாடானது அறிவித்தற்கமைவாக அந்த வாய்ப்பு மோல்டா நாட்டிற்கு கிடைத்ததாக தகவல்கள் தெரிவிக்கின்றன. 

CHOGM  இதுவரை நடைபெற்ற நாடுகள்…!

1) 1971 - சிங்கப்பூர், சிங்கப்பூர்

2) 1973  - ஒட்டாவா, கனடா

3) 1975  -  கிங்ஸ்டன், ஜமைக்கா

4) 1977  - லண்டன் & கிளென்ஈகல், ஐக்கிய இராச்சியம்

5) 1979  - லுகாசா, ஸாம்பியா

6) 1981   - மெல்பேர்ன், அவுஸ்திரேலியா

7) 1983  - புது டில்லி, இந்தியா

8) 1985  - நஸ்சஸ், பஹாமஸ்

9) 1986 - லண்டன், ஐக்கிய இராச்சியம்  - CHOGM மீளாய்வுக் கூட்டம்

10) 1987- வான்கூவர், கனடா

11) 1989 - கோலாலம்பூர், மலேசியா

12) 1991 - ஹராரே, சிம்பாப்வே

13) 1993- லிமாஸ்செல், சைப்பிரஸ்

14) 1995- ஒக்லாண்ட், நியூசிலாந்து

15) 1997- எடின்பேர்க், ஐக்கிய இராச்சியம் 

16) 1998- டேர்பன், தென்னாபிரிக்கா

17) 2002- கூலும், அவுஸ்திரேலியா

18) 2003- அபுஜா, நைஜீரியா

19) 2005- வலெட்டா, மோல்டா

20) 2007- கம்பாலா, உகாண்டா

21) 2009- போர்ட் ஒப் ஸ்பெய்ன்  - ரிடிரினாட் அன்ட் டோபாக்கோ

22) 2011  - பேர்த், அவுஸ்திரேலியா

23) 2013 – கொழும்பு, இலங்கை

24) 2015 - மோல்டா



ஆகக்குறைந்த நாட்டுத் தலைவர்கள் கலந்துகொண்ட CHOGM 2013

CHOGM வரலாற்றில் ஆகக்குறைந்த நாட்டுத் தலைவர்கள் கலந்துகொண்டது இலங்கை, கொழும்பில் நடைபெற்ற 23வது மாநாட்டில் ஆகும் . இதில் பிரதானமாக 24 நாட்டுத் தலைவர்களே (ஜனாதிபதி, பிரதமர்) கலந்துகொண்டதாக அறிக்கைகள் தெரிவிக்கின்றன.

அண்மைய ஆண்டுகளில் நடைபெற்ற CHOGM  மாநாடுகளில் கலந்துகொண்ட நாட்டுத் தலைவர்களின் எண்ணிக்கை வருமாறு; 

ü  1997- ஸ்கொட்லாந்து – 47

ü  1998- தென்னாபிரிக்கா - 47

ü  2003-  நைஜீரியா - 38

ü  2005-  மோல்டா - 38

ü  2007-  உகாண்டா - 36

ü  2009 - ரிடிரினாட் அன்ட் டோபாக்கோ – 34

ü  2011  -  அவுஸ்திரேலியா - 36

***

399வது பதிவு ⇨ பொதுநலவாய மாநாடு (CHOGM) ஓர் கண்ணோட்டம்…!

23வது CHOGM இலங்கையின் கொழும்பு மாநகரில் பல்வேறு நாடுகளின் பங்குபற்றுதலுடன் நவம்பர் 15 -17ம் திகதி வரை நடைபெறவுள்ளது. அந்தவகையில்,  பொதுநலவாய அமைப்பு மற்றும் CHOGM தொடர்பிலான சுவையான தகவல்கள் உங்களுக்காக…!

Y பிரித்தானியாவின் காலனித்துவ ஆட்சியின் கீழ் இருந்த நாடுகள், பொதுநலவாய அமைப்பில் அங்கத்துவம் வகிக்கின்றன. உலக சனத்தொகையில் 30% ஆனோர்  பொதுநலவாய அமைப்பு நாடுகளில் வசிக்கின்றனர்.  

Y பொதுநலவாய அமைப்பு 1931ம் ஆண்டு "பிரிட்டிஷ் பொதுநலவாய நாடுகள்" என்கின்ற நாமத்தில் உருவாக்கப்பட்டு 1946ம் ஆண்டு "பொதுநலவாய நாடுகள்" என பெயர் மாற்றம் பெற்றது.

Y பொதுநலவாய அமைப்பில் 54 நாடுகள் அங்கத்துவம் பெறுகின்றன. அரசியல் குழப்பநிலையின் காரணமாக பிஜி நாடு 2009ம் ஆண்டு பொதுநலவாய அமைப்பிலிருந்து இடை நிறுத்தப்பட்டது.

Y மார்ச் மாதத்து 2வது திங்கட்கிழமையன்று பொதுநலவாய தினம் அனுஷ்டிக்கப்படுகின்றது.

Y பொதுநலவாய அமைப்பின் பிரதான தலைமைத்துவத்தினை வகிப்பது பிரித்தானிய மகாராணி 2ம் எலிசபெத் ஆவார்.

Y பிரித்தானிய மகாராணி 2ம் எலிசபெத் அவர்கள் முதன்முதலில் கலந்துகொண்ட CHOGM 1973ம் ஆண்டு கனடா, ஒட்டாவாவில் நடைபெற்றது. இதற்கு பின்னர் நடைபெற்ற அனைத்து CHOGMகளிலும் மகாராணி கலந்துகொண்டமை குறிப்பிடத்தக்கதாகும். ஆனால் தற்சமயம் இலங்கையில் நடைபெறுகின்ற 23வது CHOGM இல் மகாராணியின் சார்பாக, பிரித்தானிய இளவரசர் சார்ள்ஸ் அவர்களே பங்கேற்கின்றார்.

Yபொதுவாக 02 ஆண்டுகளுக்கொரு தடவை பொதுநலவாய அமைப்பின் அரச தலைவர்களது கூட்டம் (CHOGM) நடைபெறுகின்றது. 

1வது CHOGM 1971ம் ஆண்டு ஜனவரி மாதம் சிங்கப்பூரில் நடைபெற்றது.  

தற்சமயம் நவம்பர் 15-17ம் திகதி வரை இலங்கையில் நடைபெறுவது 23வது CHOGM ஆகும்.

Y 24 வது CHOGM 2015ம் ஆண்டு  மொறீசியஸ் நாட்டில் நடைபெறவுள்ளது.

Y பொதுநலவாய அமைப்பில் அங்கம் வகிக்கும் மிகப்பெரிய நாடு கனடா, இதன்  நிலப்பரப்பு 10 மில்லியன் சதுரகிலோமீற்றர்கள் ஆகும்.

Y பொதுநலவாய அமைப்பில் அங்கம் வகிக்கும் சனத்தொகை கூடிய நாடு இந்தியா, சனத்தொகை 1.1 பில்லியன் ஆகும்.

Y பொதுநலவாய அமைப்பில் அங்கம் வகிக்கும் மிகச்சிறிய நாடு நவ்ரு, சனத்தொகை 13,000 ஆகும்.

Y பொதுநலவாய அமைப்பிலிருந்து எந்த நேரத்திலும் தனது உறுப்புரிமையை விலக்கிக் கொள்ளும் உரிமை அங்கத்துவ நாடுகளுக்கு உண்டு. 1949ம் ஆண்டு அயர்லாந்து குடியரசும், 2003ம் ஆண்டு சிம்பாப்வேயும் தமது  உறுப்புரிமையை விலக்கிக் கொண்டமை குறிப்பிடத்தக்கதாகும்.

Y பொதுநலவாய அமைப்பில் நவ்ரு தேசம் விசேட உறுப்புரிமை வகிக்கின்றது. இது CHOGM இல் கலந்துகொள்வதில்லை.

***