Thursday, February 7, 2013

தென்னாபிரிக்கா, பாகிஸ்தான் டெஸ்ட் | சாதனைகள்

சுற்றுலா பாகிஸ்தான் அணிக்கும் தென்னாபிரிக்க அணிக்குமிடையில் ஜோகனஸ்பேர்க்கில் நடைபெற்ற 1வது டெஸ்ட் போட்டியில் தென்னாபிரிக்க அணி 211 ஓட்டங்கள் வித்தியாசத்தில் வெற்றி பெற்றமை நாம் அறிந்த தகவலே.

இப்போட்டியில் நிகழ்ந்தப்பட்ட உலக சாதனைகள் சில வருமாறு...

►◄ இப்போட்டியில், டெஸ்ட் கிரிக்கெட் வரலாற்றில் பாகிஸ்தான் அணி  இன்னிங்ஸ் ஒன்றில் மிகக்குறைந்த ஓட்டங்களினைப் பதிவுசெய்து கொண்டது.
29.1 ஓவர்களினை எதிர்கொண்ட பாகிஸ்தான் அணியானது 49 ஓட்டங்களுக்குள் சுருண்டுகொண்டது. பந்துவீச்சில் தென்னாபிரிக்க அணியின் வேகப்பந்துவீச்சாளர் டேல் ஸ்டெய்ன் 8 ஓட்டங்களுக்கு 6 விக்கட்களினை வீழ்த்தினார்.

இதற்கு முன்னர், 2002 ஒக்டோபர் மாதம் அவுஸ்திரேலிய அணிக்கெதிராக சார்ஜாவில் நடைபெற்ற டெஸ்ட் போட்டியில் 53 ஓட்டங்களுக்கு ஆட்டமிழந்தமை பாகிஸ்தான் அணி பெற்ற மிகக்குறைந்த டெஸ்ட் ஓட்டங்களாகும்.

பாகிஸ்தான் அணி பெற்ற 49 ஓட்டங்களானது ஒரு அணி தென்னாபிரிக்க அணிக்கெதிராக பெற்ற 3வது மிகக்குறைந்த டெஸ்ட் ஓட்டங்களாகும். இதற்கு முன்னர் 2013 ஜனவரியில் நியூசிலாந்து அணி 45 ஓட்டங்களிலும், 2011 நவம்பரில் அவுஸ்திரேலிய அணி 47 ஓட்டங்களிலும் ஆட்டமிழந்தன.

►◄ டெஸ்ட் கிரிக்கெட் வரலாற்றில், டெஸ்ட் போட்டியில் ஒன்றில் அதிக பிடிகளை (11) எடுத்த விக்கட் காப்பாளராக விளங்கிய இங்கிலாந்து அணியின் ஜக் ரஸ்சல் அவர்களின் 14 வருட கால உலக சாதனையினை (எதிர் தென்னாபிரிக்கா)  தென்னாபிரிக்க அணியின் டி வில்லியர்ஸ் சமன் செய்துகொண்டார். டி வில்லியர்ஸ், 1வது இன்னிங்ஸ்சில் 06 பிடிகளினையும், 2வது இன்னிங்ஸ்சில் 05 பிடிகளினையும் எடுத்தமை குறிப்பிடத்தக்கதாகும்.



மேலும், இன்னிங்ஸ் ஒன்றில் அதிக ஆட்டமிழப்புகளை (06)  மேற்கொண்ட தென்னாபிரிக்க விக்கட்காப்பாளர்களில் ஒருவராக  டி வில்லியர்ஸ் தனது பெயரினை மார்க் பவுச்சர் & டேவ் ரிச்சர்ட் (03தடவைகள்) ஆகியோருடன் பகிர்ந்துகொண்டார்.

►◄ டெஸ்ட் கிரிக்கெட் வரலாற்றில், ஒற்றை இலக்க ஓட்டத்தினை மாத்திரம் வழங்கி 6விக்கட்களை வீழ்த்தி சிறப்புப் பெறுதியைப் பெற்ற 3வது வீரராக டேல் ஸ்டெய்ன் சாதனை படைத்தார்.


√ ஜெரமி லோஷன்  - மே.தீவுகள் எதிர் பங்களாதேஷ், 6. 5-4-3-6, டாக்கா, 2002 டிசம்பர்

√ ஓர்த்தர் கில்லிகன் - இங்கிலாந்து எதிர் தென்னாபிரிக்கா, 6.3-4-7-6, பிர்மிங்காம், 1924 ஜூன்

√ டேல் ஸ்டெய்ன் - தென்னாபிரிக்கா எதிர் பாகிஸ்தான், 8.1-6-8-6, ஜொஹனஸ்பேர்க், 2013 பெப்ரவரி


√ மைக்கல் கிளார்க் - அவுஸ்திரேலியா எதிர் இந்தியா, 6.2-0-9-6, மும்பாய்,  2004 நவம்பர்

►◄ டெஸ்ட் கிரிக்கெட் வரலாற்றில், 100 டெஸ்ட் போட்டிகளுக்கு தலைமை தாங்கிய ஒரேவீரராக தென்னாபிரிக்க அணியின் கிரேம் ஸ்மித் சாதனை படைத்தார்.


டெஸ்ட் கிரிக்கெட் வரலாற்றில் அதிக டெஸ்ட் போட்டிகளில் தலைமை தாங்கிய அணித்தலைவர்கள்...!

√ கிரேம் ஸ்மித் (தென்னாபிரிக்கா) - 100+ போட்டிகள் (வெற்றி - 48, தோல்வி - 26, வெற்றிதோல்வியின்மை - 26)



√ அலன் போடர் (அவுஸ்திரேலியா) - 93 போட்டிகள் (வெற்றி - 32, தோல்வி -22, வெற்றிதோல்வியின்மை - 3, சமநிலை - 01)

√ ஸ்ரிபன் ப்ளெமிங் (நியூசிலாந்து) - 80 போட்டிகள் (வெற்றி - 28, தோல்வி - 27, வெற்றிதோல்வியின்மை - 25)

√ ரிக்கி பொண்டிங் (அவுஸ்திரேலியா) - 77 போட்டிகள் (வெற்றி - 48, தோல்வி - 16, வெற்றிதோல்வியின்மை - 13)

√ கிளைவ் லொயிட் (மே.தீவுகள்) - 74 போட்டிகள் (வெற்றி - 36, தோல்வி - 12, வெற்றிதோல்வியின்மை - 26)

***

3 comments:

திண்டுக்கல் தனபாலன் said...

உங்களின் பகிர்வு மூலம் தான் தெரியும்... நன்றி...

karthik sekar said...

Best Free Premium Blogger,Blogspot Templates for your blog.Latest High Quality Free Premium Blogger Templates,Themes,Layouts http://bigmasstemplate.blogspot.in

கே.கே.லோகநாதன் [B.Com] said...

நன்றிகள் சகோ....

Blog Widget by LinkWithin